Una poesia per questa Venezia sempre più bistrattata

Pubblichiamo un peosia di un Poeta popolare Veneziano

“Le nostalgie de la Boa ”

Ascolteme Venessiani,
Mi so nà Boa,nea Laguna
Tutte le ore scriciolo
Un gran lamento de disperassion.

No xe più i tempi de la tranquia serenità
Quando la Laguna gera un specio de felicità
E atorno me navigavaBurci,Peate,Tope,Sandoi e Carline
E de note su le gondole, “Serenate divine”

Adesso xe tutto un imbriagamento
Motori…i me rusa da tutte le parte,
Batei,motoscafi,Barchini,
i me core atorno,come tanti agussini !

Anca sotto l’acqua tutto xe cambià,
tanti ani fàin flottiglie le Portamarine
Da vissin le me nuava,le gera cossì bele
Le pareva tante damigelle,adesso?

Su sta era de progresso,sacheti de plastica
De tutti i colori,parfin scritturai
Li me nua adosso su la caena
E i peoci li me resta sofegai

Alora perdo le staffe e l’orientamento
Tutte le ore, patisso un gran tormento.
Ma,ne la piova e vento
Me sento un pocheto tranquilisada,

Perché sora,svolando,
me vien i Crocai a farse la riposada.
E da le satine,sentirme acaressada
Provo le gringole,fusse na Cromala inamorada.

Po’, ne la notte profonda,par fortuna,
resto sola e desolada.
Ma me vardo la mia Venezia,
che la me par, la Madonna Immacolada.

Speremo che elmio lamento
El gabia da terminar,
perché noialtri tutti
Venessia, gavemo da salvar.

Elio Viani